fondale
eduardo
     
     
definizione teatro
firma
biografia
i defilippo
teatro
cinema
attori
poesia
album
contatti
separatore
separatore
separatore
separatore
separatore
separatore
home
poesia
 
E allora bevo
Io vulesse truva pace
Napule è ’nu paese curioso
'O Mare
'O Munno d' 'e pparole
'O Rrau
Penziere meje
'O pparlà 'nfaccia
Ll'uosso 'aulivo
Roma
abcd
A fenesta (1947)
'A seggia
'A vita
'O cunto
'A gente
'A neva
L'esportazione
  E tengo na fenesta a pianterreno,
c'affaccia int' a na strafa scanusciuta;
cu n'aria profumata, e na veduta,
ca si t'affacce, nun t' 'a scuorde cchiù.
 
Si stongo 'e buonumore, affacci' a mmare,
e veco semp' 'o stesso bastimento
ca parte chin' 'e fede e sentimento,
e c' 'a bandiera d' 'a sincerità.

Parte ciuro, e nun arriva maje.
Quanno s'abbìa, sabbìa c' 'o maistrale;
ma ncòccia sempre 'o stesso tempurale,
'o stesso maletiempo, e adda turnà!

Quanno senza speranza, e senz'ammore
m'affaccio e vec' 'o stesso bastimento,
nce mengo dinto 'o core mio scuntento,
e c' 'o mare ntempesta dico: Va.

Quann'è bontiempo, ognuno è marenaro
e se vulesse mettere a temmone...
C' 'o mare ncalma, tutte songo buone
'e purtà nu vapore a passià.
 
Miéttece a buord' 'o bene ch' 'e vuluto,
e tutt' 'o chianto amaro ch'è custato...
Nisciunu bastimento s'è affunnato
quanno ce' 'e miso a buordo 'a Verità.